លោក ឃ្លាំង ហ៊ួត អភិបាលខណ្ឌជ្រោយចង្វារ ដឹកនាំមន្ត្រីខណ្ឌចុះសម្អាតបរិស្ថាន
19-November-2015 | ដោយ មួយឡា
ភ្នំពេញ៖ ដើម្បីត្រៀអបអរសាទរ ព្រះរាជពិធីបុណ្យអ៊ុំទូក បណ្ដែតប្រទីប អកអំបុក និងសំពះព្រះខែ ដែលនឹងឈានមកដល់នាពេលខាងមុខននេះ នៅព្រឹកថ្ងៃទី ១៩ ខែវិច្ឆិកា ឆ្នាំ ២០១៥ សាលាខណ្ឌជ្រោយចង្វារបានរៀបចំពិធី សម្អាតបរិស្ថាននៅតាមដងផ្លូវ និងច្រាំងទន្លេត្រើយខាងកើត ចាប់ពីក្រោមស្ពានជ្រោយចង្វារ រហូតដល់មុខសណ្ឋាគារសុខាអូតែល ។
ពិធីនេះ មានការអញ្ជើញចូលរួមដោយ ការិយាល័យជំនាញជុំវិញខណ្ឌ កងកម្លាំងកងរាជអាវុធហត្ថខណ្ឌ កងកម្លាំងនគរបាលខណ្ឌ សណ្ដាប់ធ្នាប់ខណ្ឌ និងកម្លាំងសង្កាត់ជ្រោយចង្វារ ក្រោមការដឹកនាំពី លោក ឃ្លាំង ហ៊ួត អភិបាលនៃគណៈអភិបាលខណ្ឌជ្រោយចង្វារ ។
ថ្លែងក្នុងឱកាសនេះដែរ លោក ឃ្លាំង ហ៊ួត អភិបាលខណ្ឌជ្រោយចង្វារ បានមានមតិថ្លែងអំណរគុណយ៉ាងជ្រាលជ្រៅចំពោះការចូលរួមសហការរបស់បងប្អូនទាំងអស់គ្នា ក្នុងការជួយថែរក្សា និងសម្អាតបរិស្ថានរបស់យើងឲ្យមានសោភ័ណ្ឌភាពកាន់តែប្រសើរឡើង៕
ប្រភព៖ ទំព័រសាលាខណ្ឌជ្រោយចង្វារ
ចំនួនអ្នកទស្សនា
- ថ្ងៃនេះ1651
- ម្សិលមិញ12561
- សប្តាហ៍នេះ29601
- ខែនេះ51481
- ឆ្នាំនេះ51481
- សរុប20493937